Meiner regjeringa og LO har seg sjølv å takke

Regjeringa har sjølv opna for kreative tilpassingar til vikarbyrådirektivet, meiner Norsk Industri.

  • Bergens Tidende
Publisert Publisert
icon
Denne artikkelen er over åtte år gammel

Regjeringa og LO har seg sjølv å takke, når norske bedrifter no går nye vegar for å sleppe å betale norsk tariffløn til innleigd, utanlandsk arbeidskraft.

— Implementeringa av vikarbyrådirektivet i Noreg har gått alt for fort, seier adm. direktør Stein Lier-Hansen i arbeidsgjevarorganisasjonen Norsk Industri.

— Lovproposisjonen til Stortinget etterlet seg alt for mange spørsmål uavklart. Vi har heile tida åtvara mot at det rettsleg dårlege lovforarbeidet skapar rom for mange kreative løysingar som ikkje var meininga, meiner han.

- LO er medskuldig

Arbeidsgjevarane gjekk i fjor haust i strupen på regjeringa, fordi dei ikkje ville innføre reglar som gjorde at innleigd, utanlandsk arbeidskraft kunne lønast lågare enn norske arbeidstakarar.

LO applauderte regjeringa. Lier-Hansen meiner dei ikkje har grunn til å aksjonere mot bedrifter som Sekkingstad, som omgår direktivet ved å setje ut drifta til eit polsk selskap.

— Eg tykkjer ikkje LO skal skyte på bedrifta gjennom aksjonar, men tenkje om dei har bidrege til å gjere det så komplisert at bedrifter må gå inn på slike ting som dette, seier han.

Fleire kreative løysingar

Lier-Hansen trur fleire kan velje ein entreprisemodell, som den Sekkingstad har vald.

— Eg vil tippe det kan vere løysinga for denne typen bedrifter, som har veldig rutinemessig arbeid og prosedyrar. Eg trur det er vanskelegare for store bedrifter som driv med engineering og mykje spesialisert fagarbeid. For dei er det gjerne enklare å leggje produksjonen til ein lokasjon dei eig i utlandet, seier han.

Frå fleire hald får BT stadfest at norske bedrifter aktivt diskuterer andre alternativ for å sleppe å betale norske lønningar til innleigde, utanlandske arbeidarar.

Ei løysing kan vere å definere alle utlendingane inn i eigne, låglønsgrupper, til dømes bruke lønsskilja mellom hjelpearbeidar, spesialarbeidar og fagarbeidar.

Norsk Industri vil likevel ikkje tilrå medlemmene å gå inn på dette.

— Vi kan ikkje tilrå tilpassingar som i ettertid viser seg ikkje å halde i retten, seier han.

Ein hovudgrunn til det er at det frå 1. juli blir innført eit såkalla solidaransvar. Det betyr at norske arbeidsgjevarar blir ansvarlege viss innleigde arbeidarar tilsette i bemanningsbyrå ikkje får den løna dei har krav på.

Publisert
Takk for at du leser BTIkke gå glipp av alle nyheter fra Vestlandets største avis.
Bli abonnent
BT anbefaler

Familien har fått nok: – Vi flytter ene og alene på grunn av skoleveien

En far knuger hånden til datteren idet de krysser veien. En håndfull eldre barn sykler forbi i rasende fart.

Mest lest akkurat nå

  1. Helikopter har styrtet i Telemark

  2. Her er Lauritz på jobb­intervju. Han må bevise at han tåler blod­slitet på museet.

  3. Mann målt til 130 km/t i E39-tunnel

  4. Mann til sjukehus etter ulykke i Nordfjord

  5. Denne skaper frykt i barne­hagen: – Vi føler oss utrygge

  6. Hege gikk ned elleve kilo med sukker­kutt. Her er fire ting du kanskje ikke visste om sukker.