- Arbeidet på rasstaden vil ta tid

300 meter av vegbana er råka.

Publisert Publisert

RAS: E16 er førebels stengt etter steinras på E16 ved Gudvangen. Foto: Tor Høvik

  • Elise Løvereide
iconDenne artikkelen er over fire år gammel

E16 er stengd i Nærøydalen mellom Voss og Gudvangen etter eit større steinskred tysdag ettermiddag. Steinskredet raste frå omtrent 800 meters høgde.

Rundt 300 meter av vegbana er råka, opplyser Statens vegvesen i ei pressemelding. Vegbana har også fått seg nokre skadar, men ingen bilar blei treft. Heller ingen menneske blei skada:

Johnny Steensen og Roar Gilbu redda truleg liv:

Les også

Hev seg i bilen for å få folk i tryggleik

Litt over halv fire melder vegvesenet om at vegen ikkje vil bli opna onsdag. E16 er framleis stengt mellom Voss og Gudvangen, då arbeidet held fram utover ettermiddagen.

REINSKAR: Eit helikopter køyrer over fjellsida for å reinske før oppryddinga kan starte. Foto: Tor Høvik

Statens vegvesen er i gong med sikringsarbeidet av skredområdet. For å hindre at folk tek seg inn på skredområdet, er det plassert vaktar på staden.

— Allereie tysdag kveld fekk vi ein geolog på staden for ei undersøking. Geolog har meldt om fare for nye skred, og råda oss om å reinske fjellsida før oppryddingsarbeidet startar, seier Helge Rong i Statens vegvesen.

Må reinske fjellsida

Arbeidet med sikring av fjellsida kom i gang tidleg onsdag. Eit helikopter spyler fjellsida for mogelege lause massar og stein. Først når fjellsida er sikra, kan ein rydde.

— Vi har ikkje observert nye skred gjennom natta. No må vi først reinske fjellsida før mannskapet kan ta fatt på arbeidet med å rydde og reparere vegen, seier fungerande avdelingsdirektør Ingar Hals i Statens vegvesen, vegavdeling Sogn og Fjordane.

Først etter at reinskinga er ferdig, vil dei vurdere når det blir aktuelt å opne att vegen.

Les også:

Les også

E16 i Gudvangen sperra av kampesteinar

IMG_2019.jpg

Skal sprengje steinblokkane

Arbeidet vil ta tid, då steinblokkene er så store at dei må bli splittast før dei kan fjernast.

— Vi borar og sprengjer steinane med dynamitt, men vi veit ikkje når dette vil skje. Forhåpentlegvis veit vi meir i ettermiddag, seier Rong.

Geologen skal få arbeidsro, slik at dei deretter kan setje i verk etter geologen sine instruksar. Etter kvart vil entreprenørar kome til skredsområdet, og Rong understrekar at det er vanskeleg å kome til på det høge området.

- Når vil vegen opne att?

— Det kan vi enno ikkje seie noko om, seier Rong.

I mellomtida rår Statens vegvesen folk til omkøyring via Rv. 7 over Hardangervidda, E134 over Haukelifjell eller Rv. 13 over Vikafjellet. Statens vegvesen rår trafikantar som skal i retning sør-nord nytte E39 over Lavik- Oppedal.

TRENG DYNAMITT: - Steinblokkene er så store at dei må bli splittast før dei kan fjernast, seier Helge Rong i Statens vegvesen. Foto: 2111-tipsar

Fleire ras på Vestlandet

Dette er ikkje første gong det oppstår ras på Vestlandet i år.

Tidlegare i sommar måtte E16 stengje etter ras ved Bolstadøyri:

Les også

Stort steinras sperrer E16

— Vestlandet er mykje meir utsett for ras, på grunn av fjell og ulike forhold som forårsakar at steinane lausnar, seier Rong.

I mars raste det steinar på riksveg 5 i Naustdal, Sogn og Fjordane. På same stad raste det igjen 30. juni.

Publisert
Takk for at du leser BTIkke gå glipp av alle nyheter fra Vestlandets største avis.
Bli abonnent

Les mer om dette temaet

  1. Åpner E16 i begge retninger

  2. Ras i Naustdalstunnelen

  3. E16: Nå kjører vi

  4. På ville vegar

BT anbefaler

Barna plaget mannen med «ring på spring». Så fikk han nok.

Mannen var plaget av barn i nabolaget. I mars fikk han nok. Torsdag møtte han i Bergen tingrett som tiltalt.

LES SAKEN