Så er vi her i år igjen. Turistsesongen er i gang, og allereie har den aukande mengda turistar som besøkjer Bergen skapt debatt.

– I 2005 hadde vi rundt 800.000 besøkjande på Bryggen. I år reknar vi med rundt to millionar. Det er ei ganske formidabel auke, seier leiar for Stiftelsen Bryggen, Bernt-Håvard Øyen.

No er det så mange som vil besøkje Bryggen at stiftelsen vil innføre ei turistavgift for grupper som møter opp utan avtale.

I tillegg skapar turistbussar trafikkproblem og forureininga frå cruiseskipa debatt.

Korleis skal turistindustrien i byen vår sjå ut i framtida?

ENDELAUS KØ: Så lange var køane for å ta Fløibanen tysdag. Stiftelsen Bryggen vil ta inngangspengar til Bryggen like bortanfor for å få kontroll på hordane med turistar i høgsesongen.
Paul S. Amundsen

Abonner på podkast-serien via iTunes, på Spotify eller søk den opp i din app. Du finn den også i vår nye podkast-app BT Lytt, som du kan finne i App Store eller Google Play.

Gjester i podkasten denne veka er leiar for Stiftelsen Bryggen, Bernt-Håvard Øyen, og kulturredaktør i BT, Frode Bjerkestrand.