Lensmann etter UP-kontroll: – Dette er deprimerande tal

På få timar blei 34 personar tatt i fartskontroll i Nordhordland.

Publisert Publisert

26 personar blei stoppa i fartskontroll i Romarheimsdalen torsdag ettermiddag. Foto: Statens vegvesen (skjermdump)

  • Adalheidur Audardottir Oldeide

Dei fleste som blei stoppa då politiet hadde laserkontroll i Romarheimsdalen på E39, var bergensarar.

– Ingen var lokale, det var for det meste bergensarar og folk frå andre plassar i landet som skulle rekke ei ferje, seier lensmann Kjell-Idar Vangberg i Nordhordland.

– Graverande

Kontrollen torsdag blei gjennomført mellom klokka 14.30 og 18. På dei timane fekk 21 personar forenkla førelegg etter å ha køyrd for fort.

Fem personar blei meld til politiet og mista førarkortet, seier lensmannen.

– Éin av dei køyrde i 157 kilometer i timen i 80-sona. Dette er deprimerande tal, seier Vangberg.

Fredag morgon såg det ikkje lysare ut på vegen, ifølgje lensmannen.

– I dag tidleg fekk åtte personar forenkla førelegg på éin time på riksveg 57 mellom Knarvik og Mongstad. Det er rett og slett ganske graverande.

Les også

I år skal mange nordmenn ut på bilferie. Her er tipsa frå ekspertane.

Ber folk roe seg

Lensmannen seier det har vore høg fart på bilistane gjennom heile sommaren. I dagane som kjem ventar lensmannen mykje trafikk på vegane, og seier politiet kjem til å prioritere fartskontrollar.

Då BT snakkar med han fredag føremiddag er han på veg ut for ein ny kontroll.

– Folk må ta det med ro. Ikkje stress. Ferjene går heile tida. Det er betre å ta neste ferje enn å ta ei farleg forbikøyring.

Publisert

Les mer om dette temaet

  1. – Slike førere skal vi ikke ha på veien

  2. 36 tatt i fartskontroll ved skole: – Ikke bra

BT anbefaler

Brann må på trener­jakt: Disse profilene er ledige på markedet

Her er 25 trenere som kan være aktuelle for Brann.

LES SAKEN
  1. E39
  2. Romarheimsdalen
  3. Nordhordland