– Dei eldre skal ha ein verdig alderdom

Sjukepleiar Irene Vågen snakkar for dei som ikkje kan tala si eiga sak. No skal ho heidrast med gatekunst i Bergen

Sjukepleiar Irene Vågen likar jobben sin og brenn for at dei eldre skal prioriterast slik at dei kan få ein god alderdom.
  • Pål Engesæter
Publisert Publisert
icon
Denne artikkelen er over to år gammel

I fjor starta sjukepleiar Irene Vågen saman med helsefagarbeidar Helene Thuen, Eldrebrølet. Dei krev at eldre får ein verdig alderdom på sjukeheimane.

– Vi snakkar på vegner av folk med demens, som ikkje kan heva røysta si sjølve, seier Irene Vågen. Ho er sjukepleiar på demensavdelinga Skogheim ved Luranetunet i Bjørnafjorden kommune.

Vil ha eldrevern

Austevollingen Vågen seier ho eigentleg ikkje så høgrøysta.

– Det viktige er at vi blir høyrt, at dei med makt forstår kor viktig dette er.

Eldrebrølet har blitt høyrt. Facebookgruppa «Eldrebrølet» har fått stor merksemd.

Dei har kome fram med bodskapen sin i aviser, radio og TV. Dei har og hatt møter med politikarar både i Bjørnafjorden kommune og på Stortinget.

– Vi har sett nokre positive endringar. Lokalt som at vi har fått ein ekstra dagvakt, og sentralt lyttar dei i det minste til oss. På sikt ønskjer vi at dei eldre må få eit eldrevern, på lik line med barnevern. Representantar som skal sikra dei eldre ein verdig alderdom, seier Irene Vågen.

Irene Vågen framfor hovudinngangen til Luranetunet. Ho fortel at mykje har endra seg i hennar 22 år i eldreomsorga. Pasientane treng meir og meir hjelp, medan dei ikkje er fleire folk som kan hjelpa.

Skal malast på veggen

I år er det sjukepleiarane og jordmødrene sitt år. I samband med det har Norsk Sykepleierforbund har valt ut nokre medlemmer som dei ønskjer å heidra særskilt.

Lokalt i Vestland er Irene Vågen valt ut, for den innsatsen ho har gjort for at dei eldre skal prioriterast og den merksemda ho har skapt gjennom Eldrebrølet.

Ho skal bli malt av gatekunstnaren Dish (Gurdish Haugsdal) på ein vegg i Bergen. Dette vert gjort for å skapa meir blest om Eldrebrølet. Nett kor i Bergen gatekunsten kjem er ikkje avklart enno.

– Kva tenkjer du om å bli gatekunst?

– Det blir kanskje litt rart å sjå seg sjølv malt på veggen, men det er inspirerande for det arbeidet vi gjer, så no er det berre å køyra på vidare, seier den entusiastiske sjukepleiaren.

Mykje fin gatekunst i Bergen. Utanfor Rådhuset har dette barnet fått ei ansiktsmaska. Kor Irene Vågen skal malast er ikkje avklart.
Les også

De siste ukene har det skjedd noe med gatekunsten i Bergen. Her er syv eksempler på det.

Motivert av dei gode stundene

Irene Vågen (40) har vore sjukepleiar i 18 år, og har jobba med eldre sidan hennar første sommarjobb som 18 åring. Her er nokre sitat frå innlegget ho skreiv som starta Eldrebrølet. Heile innlegget hennar kan du lesa her «Hei! Eg heiter Irene!».

«Det som held meg motivert er framfor alt dei gode stundene med mennesket bak den slitne kroppen og dei samansette diagnosane.
Å kunne gjere ein liten forskjell i kvardagen. Ein tur ut. Ordne håret litt ekstra fint. Ta på favorittblusen. Etterbarberingskrem som luktar godt. Utstråling av velvære.
Motivere til å gjere meir sjølv. Synet av det stolte mennesket som veks av meistringskjensle og ros.»

«Alt dette er kanskje små ting, men det kan bety mykje for den det gjeld.
Vi treng litt tid og ro for å huske på det i kvardagen.»

Irene ønskjer seg fleire pleiarar i eldreomsorga.

Mykje endra i eldreomsorga

Irene fortel at mykje har endra seg hennar 22 år i eldreomsorga.

– Alderen på dei som kjem inn har gått opp, tilstanden er blitt verre og varer over lengre tid. Pasientane treng meir og meir hjelp, medan dei ikkje er blitt fleire folk til å hjelpa.

Ho fortel at oppgåvene deira aukar på.

– Vi skal ikkje berre drive sjukepleie og alt det inneber. Vi skal lage mat, vaske kle, vaske golv, bestille mat og utstyr, rydde kjøkken og vaske opp, planlegge neste måltid. Vi hastar gjennom morgonstellet, vi stressar ved måltida, og vi spring forbi den engstelege og fortvila, gamle på gangen.

«I kva for andre aldersgrupper ville nokon godta eit slikt nivå?
Korleis kan vi godta det for dei eldre, dei utrygge menneska med demens? Godtar vi det, godtar vi med andre ord at menneskeverdet til det gamle, skjøre mennesket ikkje er det same som hos yngre.

Det gamle livet mistar verdi!»

Publisert
  1. Eldreomsorg
  2. Helsepolitikk
  3. Sykehjem
  4. Gatekunst
  5. Bergen

Les mer om dette temaet

  1. – Kven andre ville godteke det eldre må godta i dag?

  2. – Et usedvanlig engasjert menneske er gått bort

  3. – Ikke for å skryte, men jeg jobber på sykehjem

  4. Slik er korona-pleien på sykehjemmene

  5. – Mange eldre dør under uverdige forhold

  6. – På sykehjem betaler vi inntil 85 prosent av inntekten vår. Det er alders­diskriminerende.

BT anbefaler

«Sting blir bare bedre og bedre»

Sting har sin trofaste fanskare selv om publikums gjennomsnittsalder øker for hvert besøk, skriver BTs anmelder.

LES SAKEN