Sjeldan bru løfta på plass

Unik nettverksboge over Brandangersundet.

Publisert Publisert

  • Jo Hjelle
iconDenne artikkelen er over ni år gammel

Klokka halv eitt i dag låg brua på plass over Brandangersundet. 1862 tonn nettverksboge vart løfta på plass av to kranfartøy.

— Brua passa på millimeteren. No har me gått over ei gong og er på veg tilbake, fortel anleggsleiar Bjørn Morten Bruvik på telefon.

Uvanleg

Han fortel det er ganske uvanleg å byggja slike bruer så lange, også på verdsbasis.

I dag finst berre to nettverksbogebruer her til lands - Håkkadalsbrua i Steinkjer og Bolstadstraumen bru i Vaksdal.

Dei er begge bygd i første halvdel av 60-talet med spennvidd på 80 og 84 meter, i følge nettstaden «Våre veger» .

I dag står brua med eit spenn på 220 meter over Brandangersundet.

- Kvifor har ein bygd ei bru etter denne uvanlege metoden?

— Ein måtte ta omsyn til seglingshøgda. Denne byggjemåten vart billegast, seier Bruvik.

18 meter

No er det 18 meter seglingshøgd under brua.

Brandangersundet går mellom Sandøyna og fastlandet i Gulen kommune. I dag er øya knytt til vegnettet med ferjesambandet Skipavik-Sløvåg-Leirvåg.

Skipavik som ligg på Sandøyna, vil bli droppa når brua vert opna den 4. november, i følge ei kunngjering frå Kystverket.

Dermed vert det ei rein pendelferje over Fensfjorden mellom Sløvåg og Leirvåg.

SJELDAN VARE. Konstruksjonen er sett saman i Sløvåg. FOTO: Oddleiv Apneseth.

TUNGE TAK. Kranfartøya Taklift 4 og 7 frakta brua frå Sløvåg til Brandangersundet. FOTO: Silje Robinson

FOTO: Kristin Mjanger

FOTO: Kristin Mjanger

Publisert

Sakene flest leser nå

  1. Kygo sendte nabovarsel til flere tusen i Fana før denne festen

  2. Monica Mæland vil ikke på Stortinget. – Hun har takket nei, dessverre

  3. – Et forferdelig resultat for meg som rådmann

  4. Ho var imot at hennar eigen son skulle få gifte seg

  5. – Vi får sårende spørsmål som ingen andre foreldre får

  6. Trump: USA bryter helt med WHO