Presten som kom på kant med Gud

Han har vore prest i ti år og tvilt like lenge. No tek soknepresten i Hardanger konsekvensen av tvilen og sluttar. – Eg trur på livet før døden, seier Ivar Bu Larssen (38).

Siste helga i oktober gjekk Ivar Bu Larssen på toget på Voss stasjon. Han visste ikkje då at gudstenesta han hadde halde i Granvin sundagen før, vart hans siste.

Dei siste fem åra hadde han vore sokneprest i Ulvik og Granvin. Men han fall aldri heilt til ro i presterolla.