– Dette er så stort. Paraden blei større enn eg kunne førestilt meg

Sjå bileta frå den første Pride-paraden i Sogn og Fjordane.

Publisert:

HISTORISK: Eit tusental menneske møtte opp i den første Pride-paraden som er arrangert i Sogn og Fjordane nokon gong. Foto: ODDLEIV APNESETH

For første gong nokon gong, blei det arrangert Pride-parade i Sogn og Fjordane.

Over 40 organisasjonar og truleg eit tusental menneske møtte opp i den fargerike paraden i Førde laurdag.

– Eg er heilt rørt no. Å sjå alle som stod langs paraden og heia på oss med flagg og heiarop var sterkt for oss som gjekk i toget, seier festivalleiar Sandra Edith Tenud (21).

Ho byrja å planlegge paraden tidlegare i år. Dei siste vekene har vore i travlaste laget, seier 21-åringen.

– Men folk i heile fylket har vore enormt behjelpelege. Det er mange som ser eit behov for denne markeringa.

Tenud er ikkje sikker på kor mange som deltok i toget, men seier det er snakk om eit tusental.

– Det var rett og slett for mange til at vi greidde å telje. No går paraden over i ein stor fest.

PARADEN: Folk frå heile Sogn og Fjordane tok turen til Førde for å delta i paraden laurdag. Foto: ODDLEIV APNESETH

GOD STEMNING: Sola strålte i Førde under den første Pride-paraden i fylket. Foto: ODDLEIV APNESETH

FARGERIKE: Nora Egeland og Seline Mogstad hadde pynta seg i fargerike klede for å gå i toget. Foto: ODDLEIV APNESETH

«ETT POLITI FOR ALLE»: Over 30 personar i politiet gjekk i toget. Foto: ODDLEIV APNESETH

REGNBOGE-FLAGG: Silje Vindheim og Kaiden Solheim hadde med seg regnboge-flagg. Foto: ODDLEIV APNESETH

MUSIKK I PARADEN: Fleire musikarar deltok i paraden som gjekk gjennom gatene i Førde. Her er paraden på veg over Langebrua i sentrum. Foto: ODDLEIV APNESETH

PÅ PLASS: Stella Birthe Poland gjekk i toget for Sosialistisk ungdom. Foto: ODDLEIV APNESETH

VIKTIG BODSKAP: over 40 organisasjonar deltok i paraden, ifølgje festivalleiar Sandra Edith Tenud. Foto: ODDLEIV APNESETH

FØRSTE GONG: Det er første gong paraden blir arrangert i Sogn og Fjordane. Foto: ODDLEIV APNESETH

ORDFØRAR PÅ PLASS: Mathias Råheim, ordførar i Gaular kommune, deltok i toget. Foto: ODDLEIV APNESETH

GJEKK I TOG: Svenn-Inge Hiller og Angelica Reiersgård-Hansen koste seg i strålande sol i Førde. Foto: ODDLEIV APNESETH

FEST: Steinar Eide og Thanushan Nagendran frå Sandane hadde med også med seg regnboge-flagg i paraden. Foto: ODDLEIV APNESETH

Publisert: