Krev svar frå Hareide om ferjeprisane: – Folk langs kysten er i ein uhaldbar situasjon

Senterpartiet er lei av å vente. I dag kravde dei svar frå samferdsleminister Knut Arild Hareide (KrF) i Stortinget.

Publisert Publisert

RØFF SJØ: Samferdsleminister Knut Arild Hareide (KrF) meiner Foto: Ole Berg-Rusten / NTB Scanpix

  • Ingvild Nave

– Vi må få ei løysing innan kort tid. Ferjeopprøret vil berre bli sterkare viss ikkje, seier Hans Inge Myrvold (Sp).

Onsdag bad han samferdsleminister Knut Arild Hareide (KrF) svare på kva han vil gjere for at ikkje kystfolket og fylkeskommunen skal sitje igjen med heile rekninga for omlegginga til nullutsleppsferjer.

Mange samband har blitt over 30 prosent dyrare etter innføringa av Autopass-ordninga.

KREV RASK LØYSING: Stortingsrepresentant Hans Inge Myrvold (Sp) meiner Hareide må få på høggiret, og kome med konkrete tiltak. Foto: Senterpartiet

– Regjeringa pratar med fleire tunger

Så langt har den ferske samferdsleministeren sagt at han vil gå i dialog med fylka om ferjeprisane.

På same tid vil distriktsminister Linda Hofstad-Helleland (H) ikkje love endring i ferjetakstane.

– Det er problematisk. Eg opplever at regjeringa pratar med fleire tunger. Det er vanskeleg å ta omsyn til, og no vil vi ha svar, seier Myrvold til BT.

Myrvold meiner samferdsleministeren må prioritere saka, og kome med tiltak raskt.

– Eg forventar at han har høggiret på, og no inviterer fylka til dialog på ein god måte, slik han har sagt, seier Myrvold.

Les også

Pendlaropprør mot ferjeprisane i Hordaland: – Distriktsfiendtleg politikk

Forventar pengesekk til fylka

Myrvold meiner nøkkelen til å løyse problema auken i ferjeprisane har ført med seg, er å sikre at fylkeskommunane får betre økonomiske rammer.

– Eg har ei klar forventning om at det må følgje med pengar i den dialogen Hareide skal føre med fylkeskommunane. Utan det blir det berre tomprat. Eg kjem til å presse han på akkurat dette, lova Myrvold.

Tidlegare har også Arbeidarpartiet bedt regjeringa bla opp for å få ei løysing på saka.

Fylkespolitikarane i Hordaland vedtok å innføre staten si Autopass-ordning på fylkesferjene i januar 2016. Ordninga tredde i kraft 1. januar i år.

Spørsmålet frå Myrvold blei stilt samferdsleministeren i den ordinære spørjetimen i Stortinget onsdag.

Lova møter med ferjefylka

Knut Arild Hareide (KrF) var varsam med store ord og lovnader då han svarte Myrvold.

– Regjeringa har frå 2018 kompensert fylka med 100 millionar for auka ferjekostnadar. Vi vil sjå på berekningane som blei gjort då på nytt, sa Hareide i stortingssalen.

Noko meir konkret svar enn det fekk Myrvold ikkje, sett vekk ifrå ei gjentaking av lovnaden om at Hareide og distriktsminister Helleland skal ta kontakt med fylka.

Fylkesordførar Jon Askeland (Sp) i Vestland har førebels ikkje fått noko invitasjon til denne dialogen.

– Eg misser ikkje nattesøvnen av den grunn. Hareide har lovt oss møte, så eg er trygg på det. Eg veit det blir jobba med dette no, og vi er på bana. Ferjefolket vil ha ei løysing, og ikkje krangling mellom oss, skriv Askeland i SMS.

Publisert

Les mer om dette temaet

  1. Nå slutter Ragnhild i jobben: – Fergen tar så mye av lønnen at det ikke er verdt det mer

  2. – Ferjependlarane har berre eitt håp om betring

  3. Hareide inviterer fylkeskommunane til ferjedialog

  4. «Sp må lære seg kva lokaldemokrati er for noko»

  1. Knut Arild Hareide
  2. Hordaland
  3. Linda Hofstad Helleland
  4. Vestland
  5. Ferje