Han kasta «spynorsk mordliste» på bålet

Han sette fyr på nynorsk ordliste i valkampen og vart sjølve symbolet på nynorskhatet. Reaksjonane var så sterke at Harald Viktor Hove (H) vart sjuk. BT-juryen har kåra Ivar Aasen, mannen bak ordlista, til ein av «Dei 15 mest vestlandske vestlendingane».

Publisert Publisert
  • Kjersti Mjør
  • Tonje Aursland
iconDenne artikkelen er over to år gammel
  • Start lyden ved å trykka på play øvst i artikkelen

Han var 22 år med stortingsambisjonar. Før stortingsvalet i 2005 laga Unge Høgre-politikaren Harald Viktor Hove reklamefilmar om kampsakene sine.

Ei av dei var å fjerna sidemålsundervisninga.

I filmen kasta han nynorskordlista, eller «spynorsk mordliste», på bålet. Reaksjonane var enorme. Tretten år seinare les Harald Viktor Hove framleis ikkje kommentarfelt.

– Eg vart pepra frå alle kantar, fortel Hove i podkasten om Ivar Aasen.

ANGRANDE: Harald Viktor Hove fekk så sterke reaksjonar etter at han brende ordlista, at han vart dårleg. Foto: Rune Berentsen (arkiv)

– Eg trudde eg var Ivar Aasen reinkarnert

I denne episoden møter du også forfattaren Gunnhild Øyehaug, som var sikker på at ho var Ivar Aasen reinkarnert då ho var lita jente. Ho trudde ho kome til å få same skjebne som språksamlaren.

Det innebar mellom anna å aldri bli gift, men ho tenkte:

«Blir det min skjebne, skal eg ta den!»

TO I EIN: I barndomen trudde Gunnhild Øyehaug at Ivar Aasen hadde teke bustad i kroppen hennar. - Eg var ein einstøing, raring, og kjende meg att i han, seier forfattaren. Foto: Ivar Aasen-tunet/Eirik Brekke (arkiv)

Også Sylfest Strutle, Harald Eia og Ingvild Bryn dukkar opp i episoden.

Abonner på serien via iTunes her, eller bruk RSS i ein podkast-app.

I juryen: UiB-professorane Anne Lise Fimreite, Tone Hellesund og Geir Atle Ersland, samt BT-kommentator Eirin Eikefjord og sjefredaktør i Bergens Tidende, Øyulf Hjertenes.

Publisert

Dei 15 mest vestlandske vestlendingane

  1. LOKALT

    Begge selde øl i Sandviken og var i slekt med Jonnemann. Men kven av dei er Madam Felle som alle syng om?

  2. ØKONOMI

    – Eg veit ikkje kor mange gonger eg kom heim og lukta daud fisk og banna på at dette skulle eg aldri meir bala med.

  3. LOKALT

    – I Bosnia er skarre-r ein talefeil

  4. LOKALT

    Først avverga han svenskekrig og berga grunnlova. Så grunnla han Universitetet i Bergen.

  5. LOKALT

    – Eg trudde eg var Ivar Aasen reinkarnert

  6. LOKALT

    Agnes Ravatn treng motstand for å skriva. No har ho fått det.

Takk for at du leser BTIkke gå glipp av alle nyheter fra Vestlandets største avis.
Bli abonnent
  1. Dei 15 mest vestlandske vestlendingane
  2. Ivar Aasen
  3. Ørsta
  4. Språk
  5. Nynorsk