- Eg er ingen popdødar

Musikksjef Jorunn Hope avkreftar ryktet om popmusikkens død på NRK P2. Men Elton John bør finne seg ein annan radiokanal.

  • Kjersti Mjør
Publisert Publisert
icon
Denne artikkelen er over 13 år gammel

Jorunn Hope har jobba i NRK i over tretti år, men knapt hatt ei meir turbulent arbeidsveke enn denne.

— Eg er ingen popdødar, seier Hope.

Likevel har musikksjefen i P2 fått mykje pepper, etter at Dagsavisen skreiv at radiokanalen fjernar pop og rock frå spelelistene. Protestane har vore mange, ikkje berre frå musikkmiljøet, men også internt i NRK. Sjølv oppsummerer Hope trykket som «storm i eit vassglas».

— Nei, popmusikken blir ikkje borte frå P2, slår ho fast.

«Gammaldags angst»

Dei tre største radiokanalane til NRK har fordelt musikken mellom seg. P2 har fått i oppdrag å ta vare på jazz, klassisk, folkemusikk, viser og verdsmusikk.

Etter avisoppslaget tysdag, skrudde volumet seg opp utover i veka. Kritikarane fryktar at radiokanalen blir for snever og gammalmodig, og ein musikkforskar har brukt uttrykket «musikalsk apartheid».

Hope sukkar.

— Svært mange ønskjer å redigere P2, og det tar vi som ei kjærleikserklæring. Men når faktagrunnlaget er feil, blir ein litt sliten, seier Hope, som understrekar at P2 berre vil formatere to program: «Kulturnytt» og «Radioselskapet».

— Begge blir sendt dagleg og har ei sterk sendetid, men musikkprofilen var i ferd med å bli utydeleg. Særleg «Radioselskapet» spelte svært mykje pop, som ikkje er innanfor vårt hovudoppdrag.

Endringane vart innførte i haust. Du kan framleis høyre pop og rock på «Radioselskapet», men i halvert mengde

— Resten er verdsmusikk, som har popmusikkens uttrykk, seier Hope.

Ut med Elton John

På «Kulturnytt» forventar P2-leiinga seg meir klassisk - på fleire vis.

— At ein eller annan popartist fyller seksti år, er ikkje ei sak for Kulturnytt.

— Kven tenkjer du på?

— Elton John, eller andre. Det tar P1 og P3 seg av på ein utmerkt måte.

— Men kva om ei nyheitssak i «Kulturnytt» har utgangspunkt i pop og rock?

— Med mindre det er ei hending av vesentleg karakter, er ikkje popmusikken P2 sitt hovudansvar. Men i vårt daglege, sjangerfrie magasin «Musikkredaksjonen», med kompetanse frå klassisk til pop, kan Elton John godt dukke opp, dersom det er eit vesentleg tema.

I dag har dei fleste radiokanalane tatt i bruk musikkformatering, altså, skreddarsydde spelelister for ulike musikkprofilar. Hope avkreftar at P2 er i ferd med å innføre same system.

— Nei, vi skal ikkje formatere musikken på P2! Endringane gjeld berre to av femti program som trillar og går på P2 heile dagen.

— Er det grunn til å frykte at P2, med rykte som smal kanal, blir endå smalare?

— Nei, vi har fått i oppdrag å vere eit tydeleg alternativ, og aksepterer ikkje at P2 er gammalmodig. Vi er den kanalen med størst genrebreidd av alle. Fritt fram for dei nysgjerrige!

  • Diskutér saken her.

RABALDER: Musikksjef Jorunn Hope i P2 har hatt ei tøff veke, etter at Dagsavisen skreiv at P2 vil kutte ut pop og rock. - Popmusikken blir ikkje borte frå P2, seier Hope. Foto: Håvard Bjelland

Publisert
Takk for at du leser BTIkke gå glipp av alle nyheter fra Vestlandets største avis.
Bli abonnent
BT anbefaler

Sønnen deres ble skutt av politiet. Nå forteller de om Morten.

Vibekke og Lasse Michelsen vil at du skal vite at Morten fikk gjort mye før han ble psykisk syk.

Mest lest akkurat nå

  1. Vegvesenet advarer: – Det kan være sleipt

  2. Faren skulle bli kvitt ein infeksjon. Så blei han smitta av korona på sjukehuset.

  3. 26 i karantene ved Stord sjukehus

  4. Folkehelseinstituttet bommet kraftig på smittetall i julen

  5. Her har eierne store planer: – Det skal bli det motsatte av Myrkdalen

  6. Har du denne typen ytterpanel på huset ditt, har advokaten et godt råd.