Lykka kjem når ho vil

Lykka kjem kanskje ikkje på Kvinneklinikken. Men ho kjem.

Publisert:

Foto: Torunn A. Aarøy

Til deg som ligg der på KK med ein liten som vender seg mot brystet ditt

Og deg som sit der like ved

Lett sjokkert

Prøver å ta inn alvoret

De kjenner sikkert etter

Om lykka spreier seg i kroppen momentant no

Slik damene skriv om i bloggane sine

Ikkje prøv

Ho kjem, ho kjem

Kanskje ikkje den første natta

Når du ligg der og ser på det vesle nurket og lurer på om korleis dette skal gå

Kanskje kjem ikkje lykka dei første vekene

Eller før etter dei verste vakenettene

Men ein dag sit du ser og ser på dette vesle mennesket

I ein heilt vanleg kvardag

Stryk ho over panna

Kjenner på godheita som spreier seg i magen

Veit at du kunne gjere kva som helst

for dette minimennesket som sit der

Der kom lykka

Publisert: