Tida er ute for dyre velferdsreformer

Lovande signal frå Vedum om lågare oljepengebruk i statsbudsjettet.

Tysdag gjorde finansminister Trygve Slagsvold Vedum (Sp) noko så uvanleg som å innkalle pressa før regjeringas budsjettkonferanse. Målet med framsyninga var klår:

Vedum førebur eigne veljarar og resten av folket på at mange lovnader frå valkampen i fjor blir brotne.

Vedum lova sjølv gull og grøne skogar før valet, så det er berre å gratulere Finansdepartementet med den mest vellykka vaksenopplæringa sidan Kristin Halvorsen (SV).