På tide å offentleggjere helsevesenet

Stortinget bør tvinge regjeringa til å offentleggjere prisen på legemiddel.

Publisert:

HEMMELEGE PRISAR: – Bent Høie (H) kan ha rett i at det i enkelte tilfelle kan vere rett å halde prisane hemmelege. Men det gir ikkje regjeringa rett i å innføre hemmeleghald som hovudregel. Foto: Eirik Brekke (Arkiv)

Norske helsestyresmakter kjøper inn medisinar for fleire milliardar kroner kvart år. I 2015 opna helseminister Bent Høie (H) for at innkjøpsprisen skulle vere hemmeleg.

Det er ein praksis som må ta slutt. Eit offentleg helsevesen må vere basert på offentlegheit, og norske skattebetalarar har rett på å vite kva medisinane kostar. Verken budsjettkonsekvensar eller prioritering lar seg diskutere dersom prisane er hemmelege.

Det er spesielt viktig for pasientar som får nei til behandling.

Offentlegheit er nødvendig for å vite at norske styresmakter ikkje betalar meir for medisinen enn andre land. Dersom alle land heldt innkjøpsprisane hemmelege, vert det umogeleg å samanlikne prisane.

Les også

En helt ny måte å bekjempe kreft på

Gjennom ei rekkje saker har BT avslørt både praksisen med hemmeleghald, men òg fleire av konsekvensane.

Tidlegare i år skreiv BT om tarmmedisinen Avastin, som kunne brukast for å behandle den alvorlege augesjukdomen AMD. Prisen var langt lågare enn augemedisinen Lucentis.

Det er i dag hemmeleg kva sjukehusa betaler for Lucentis.

Hemmeleghald gjer det langt vanskelegare å finne gode og trygge alternativ til svært dyre medisinar, eller til å avsløre overprising. Fordi offentlegheita ikkje veit kva medisinane kostar.

Les også

Eksplosjonsartet vekst for superdyre medisiner

Les også

Hemmelige medisinpriser kan være lovstridig

Regjeringa har gong på gong forsvart praksisen med hemmeleghald. Høie meiner at hemmelege prisar er ein føresetnad for å få rabattar.

Den effekten er framleis ikkje dokumentert.

Norske styresmakter er heilt avhengig av eit godt samarbeid med legemiddelindustrien. Men det er problematisk om staten lar seg diktere.

Les også

Vil offentliggjøre medisinpriser

I går fremja Arbeidarpartiet og Senterpartiet kvart sitt forslag i Stortinget som krev offentleggjering av innkjøpsprisane. SV har signalisert at dei vil støtte forslaga.

KrF sit då med nøkkelen for å sikre fleirtal for forslaget. Når regjeringa ikkje sjølv ønskjer å rydde opp i denne praksisen, må Stortinget tvinge regjeringa.

Høie kan ha rett i at det i enkelte tilfelle kan vere rett å halde prisane hemmelege. Men det gir ikkje regjeringa rett i å innføre hemmeleghald som hovudregel. Prisane skal i prinsippet vere offentlege.

Publisert:
Om BTs leder

BTs lederartikler blir skrevet av mediehusets redaktører og kommentargruppe. Politisk redaktør er leder for denne gruppen. Lederne er skrevet på bakgrunn av BTs publisistiske idé, sjefredaktørs meninger og avisens tradisjon. I avisens publisistiske idé heter det:

«Bergens Tidende skal være en frittstående, liberal, borgerlig (ikke-sosialistisk) avis, partipolitisk uavhengig. Avisens generelle grunnsyn skal bygge på et progressivt og menneskelig samfunnssyn. Den redaksjonelle ledelse skal ha som oppgave å lage en avis som gir sine lesere i by og bygd saklig og sann orientering om det som foregår lokalt, nasjonalt og internasjonalt. Redaksjonsledelsens integritet skal være uavkortet så vel utad som innad».