Universitetet fylt til randa

UiB lurar ferske studentar når dei «overbooker» studiane sine.

STAPPFULLT: Universitetet i Bergen (UiB) gir studieplass til meir enn dobbelt så mange studentar enn dei har plass til. Dette er ein praksis som UiB må ordne opp i, meiner Bergens Tidende. Foto: Rune Sævig (Arkiv)

Publisert:

Universitetet i Bergen (UiB) gir studieplass til meir enn dobbelt så mange studentar som dei har plass til. Det betyr at forelesningane blir stappfulle, og at studentar som står på venteliste ikkje har mogelegheit til å kome inn.

Dette er ein praksis som UiB må ordne opp i.

Studentar som hamnar på venteliste må få eit realistisk bilete av situasjonen sin. Viss dei trur at ventelista er reell, så kan dei ende opp med å takke nei til andre studieplassar.

Les også

UiB har tatt opp dobbelt så mange studenter som de har studieplasser til

På studiet for samanliknande politikk er situasjonen ekstrem. UiB har 105 plassar på årets kull, men gav studieplass til heile 244 nye studentar. 169 takka ja.

BT skreiv fredag om Tilda Totland Persson (20), som fekk beskjed om at ho stod på andreplass på ventelista. Ho takka ja til plassen på ventelista, fordi ho trudde at sjansen var stor for å kome inn.

I realiteten stod ho på 66. plass.

For å gjere det heile verre, fekk Persson beskjed om at eventuelle ledige plassar vart lagt ut som enkeltemne, og ikkje tilbode dei som stod på ventelista.

UiB må slutte lure håpefulle studentar med denne ventelisteordninga.

Les også

– Fadderuken er viktig for at nye studenter skal bli kjent med hverandre

Erfaringane til UiB er at det er mange som takkar ja til studiane som fell frå den første tida. Eller at dei ikkje møter opp i det heile. Det er forståeleg at universitetet ønskjer å ta høgde for dette i opptaket.

Det gjer UiB ved å ta inn mange fleire studentar enn det er plassar, for å sikre at studiet faktisk blir fullt. Dette er ei ordning som gjer studieadministrasjonen lettare for universitetet.

Det skjer på studentanes kostnad. UiB kan ikkje forvente at nye søkjarar skal ha den same erfaringa som institusjonen har.

Les også

Anne Lise Fimreite: En mentor i livet

Tomme auditorium vil vere skadeleg for studiekvaliteten, men det gjer overfylte forelesningar òg. I snitt har 600 «overbooka» studentar møtt til studiestart dei seinaste åra.

UiB bør endre sine rutinar, slik at det årlege inntaket blir meir forståeleg for studentar. Så får dei heller finne seg i at dei må tilby studieplassar til dei som står på venteliste.

BT RETTAR: I saka stod det at UiB gav 244 studentar studieplass. Det var tilbod om studieplass. 169 takka ja. Den reelle ventelisteplassen som er omtalt i teksten er endra frå 144.-plass til 66. plass.

Lederen
BTs lederartikler blir skrevet av mediehusets redaktører og kommentargruppe. Politisk redaktør er leder for denne gruppen. Lederne er skrevet på bakgrunn av BTs publisistiske idé, sjefredaktørs meninger og avisens tradisjon. I avisens publisistiske idé heter det:
«Bergens Tidende skal være en frittstående, liberal, borgerlig (ikke-sosialistisk) avis, partipolitisk uavhengig. Avisens generelle grunnsyn skal bygge på et progressivt og menneskelig samfunnssyn. Den redaksjonelle ledelse skal ha som oppgave å lage en avis som gir sine lesere i by og bygd saklig og sann orientering om det som foregår lokalt, nasjonalt og internasjonalt. Redaksjonsledelsensintegritet skal være uavkortet så vel utad som innad».