Byen blir betre når kommunen får opp farta

Det tek over sju år å lage kommunale planar for nye område. Det er altfor, altfor lenge.

Om to månader opnar Bybanen til Oasen. Det kan knapt kome overraskande på utviklingsbyrådar og byråkratar i Bergen kommune, som har følgt prosjektet med argusauge heilt frå den spede byrjinga.

Likevel er ikkje områdeplanen for dei sentrale delane av Fyllingsdalen klar. Dermed får ikkje bybaneutbygginga skikkeleg effekt frå dag éin, slik ho burde.