Ho er stor i Europa, men kan tape makta på heimebane

Om dei finske sosialdemokratane vinn attval, er det Sanna Marins forteneste.

Sanna Marin er noko så sjeldan som ein godt kjent finsk statsminister. Det er lett å forstå kvifor.

Ho er ung, karismatisk og har imponert mange på den internasjonale scena. Då Russland invaderte Ukraina igjen i fjor, stod Marin fram som ei av Vladimir Putins hardaste motstemmer.

Snart kan det likevel vere slutt. Finnane går til valurnene 2. april, og fempartikoalisjonen hennar haltar litt på målingane. Dei borgarlege partia nærmar seg fleirtal.