Gamlingar må flytte saman før kommuneøkonomien tek dei

Å finne ein bustad å bli gammal i, er viktigare enn nokon gong.

Å bli eldre er noko skit. Kroppen forfell, sjukdomar blomstrar og snart er du daud.

For nokre er det verre enn andre. Media avslører med jamne mellomrom skakande svikt og manglar i eldreomsorga, seinast NRK denne veka.

Heimehjelper og tilsette på sjukeheimar spring føtene av seg, og har ikkje tid til å slå av ein prat. Tidvis har dei ikkje ein gong tid til å sørgje for det mest grunnleggjande, slik at folk til dømes blir liggande i timevis i eiga avføring.