Kvar gong ein globetrotter skryt av Bergensbanen, går det kaldt nedover ryggen min

Tenk om toget til Oslo ikkje var eit museum.

Australske Anthony Ham har reist Noreg rundt i mange år, men tok Bergensbanen for første gong i november. No har han skildra reisa til BBCs lesarar.

Det er lett å setje pris på konklusjonen: Bergensbanen er ein togtur i verdstoppen. Men skrytet har ein vond bismak. For den einaste verdstoppen bana hevdar seg i, er postkortklassen.