Skjønnheitsbransjen fortener ikkje forståing og stilltiande aksept

La oss gjennomføra ein «peeling» på «helseklinikkane». Det dukkar fort opp rynker.

Stramt må det vera. Eit stivna glis over ein spretten pupp, det er bransjestandarden. Det finst vel knapt ein betre plass å etablera eit tempel til glattpolert stramheit enn Frognerveien: den kvadratkilometeren av jordkloden som truleg har høgast andel sunne, friske, velståande, PT-trente kroppar.

Dei kule kjendiskvinnene trekker seg frå «helseklinikken» Nomi på Frogner. Greitt nok. Men kva finn ein når ein begynner å grava litt ned bak influensar-fasaden? For å halda oss til stammespråket kan me gjennomføra ein «peeling» på heile konseptet, og skrella vekk det ytre slagget. Det dukkar fort opp rynker.

Karim Sayed, legen på den mykje diskuterte klinikken, har på den eine sida laudabelt samfunnsengasjement i Gateklinikken. Så er han medisinskfagleg rådgjevar i «Injeksjonsspesialisten.no» på den andre sida. Ein fascinerande spagat.

Her begynner det å forgreina seg.