Ungdomen slit. Og vi har skulda.

Det er på tide å diskutere radikale idear for å bøte på testpresset. Kva med karakterfri skule?

Korleis står det til med dei streikeråka elevkulla her til lands? Temmeleg ille, om vi skal tru nyhendesaker, lesarbrev og innlegg i sosiale media dei siste vekene.

Ungdom fryktar dei vil tape i konkurransen mot elevar med lærarar som ikkje er i streik. Foreldre ser tapte skuleveker – og i overkant mykje gaming. Og rektorane?

«Vi har elever som kan gå i psykose og bli innlagt på psykiatrisk sykehus. Det er fare for akuttinnleggelser. Vi er der.» Slik ordla rektor Lars Berntsen ved Amalie Skram videregående skole i Bergen seg til NRK i helga.