Er det nokon som jobbar for Bybanen i Arbeidarpartiet?

I så fall skjuler dei seg godt.

Onsdag: Byrådsleiar Roger Valhammer (Ap) orienterer bystyret om sin avgang. I sin avskjedstale trekk Valhammer fram at dei på hans vakt sikra framtida for Bybanen til Åsane.

Trasévalet er tatt og reguleringsplanen er i rute.

Torsdag: Eit døgn seinare er Mette Gundersen (Ap) på møte i Miljøløftet i Bergen. Ho er statssekretær i samferdsledepartementet og Valhammers partikollega.

Med seg i bagasjen hadde ho eit miljøløftebrot som kan rokke ved Valhammers ettermæle som bybanebyggar.

Regjeringa vil ikkje starte forhandlingar om ei ny bypakke før i 2024. Det er her finansieringa ligg til Bybanen, som fylket ønskjer å starte bygginga av i 2024. Her kan det altså bli utsetjingar.