Christine Meyer skal vere den samlande kandidaten i Høgre. Sist me såg henne var ho svært splittande.

I 2017 var det Meyers leiarevner som blei granska.

«Å, kan ikke du slutte å bable!»

Ein fredag ettermiddag i november 2017 fekk heile Noreg bli kjent med bergensadvokat Dag Steinfeld.

Den me har å takke, er dåverande SSB-direktør Christine Meyer. Ho sto midt i ein uvanleg betent og open konflikt med finansminister Siv Jensen (Frp), var dagar unna å miste jobben, og hadde hyrt juridisk bistand.

Og Meyer valde seg altså Steinfeld. Ein menneskeleg molotov-cocktail inn i den fastlåste konflikten.