Det går mot ein ny Søviknes-æra i Bjørnafjorden

«Nobody puts Terje in a corner».

Ein sein søndag kveld i 2019 måtte Terje Søviknes (Frp) svelge stoltheita og erkjenne nederlaget. Han var kasta, etter 20 år ved makta i det som då heitte Os kommune.

Nyheita gjekk landet rundt på nokre få minutt. Han var blant dei mest kjende ordførarane i heile Noreg.

Men i det første nederlagsintervju i BT krabba han seg opp i kneståande, og lova som Schwarzenegger sjølv: «I’ll be back».

Og tre år seinare, utan at eit nytt val har funne stad, er han langt på veg tilbake. Det er freistande å følgje opp med eitt velkjent filmsitat med eit anna:

«Nobody puts Terje in a corner.»