SVs oljesiger er stor ståhei for ingenting

Men for dei som drøymer om eit nordnorsk oljeeventyr er dette truleg siste spiker i kista.

«I kveld er det fest i Moskva» må vere årets dummaste politiske utspel. Orda kom frå Frps energipolitiske talsmann Terje Halleland til VG.

Han reagerte på at SV tysdag fekk regjeringa med på å utsetje utlysingar av leitelisensar i nye område, den såkalla 26. konsesjonsrunde, til 2025.

Som om desse felta, som uansett ikkje vil kome i produksjon før om 10–15 år, vil spele noko rolle for dagens energikrise i Europa.