32 skuledagar er tapt til ingen nytte. Det var ein kamp lærarane ikkje kunne vinne.

Lærarane hadde alt og alle mot seg i denne streiken.

Den lengste lærarstreiken i historia enda i tvungen lønsnemnd. Etter 111 dagar, 32 av dei skuledagar, sit lærarane igjen, truleg utan nokon gevinst.

Det er eit sørgjeleg utfall, for både elevar og lærarar. Det største skippertaket i verda kan ikkje ta igjen den undervisninga som er tapt. Kostnaden er enorm.

Lærarane sit forsmådde igjen, og med mykje av skulda i den offentlege diskusjonen.

Men skulda skal fordelast på mange etter denne konflikten. Også dei som har laga eit system der lærarane aldri kan vinne. Det jobbar mot dei.