Støre har ei verre krise enn dei Solberg hadde

Erna Solberg kunne pøse ut pengar, Jonas Gahr Støre må stramme inn.

Folkets dom har vore hard mot den nye regjeringa. Til saman har Arbeidarpartiet og Senterpartiet mista kvar tredje veljar sidan valet i fjor haust, ifølgje meiningsmålingane.

Det er liten tvil om at hovudårsaka er den pågåande krisa, med aukande prisar på det meste.

Så kan ein diskutere om sjølve krisa er problemet, eller meir måten regjeringa har handtert ho på.

I så måte er det interessant å samanlikne med Erna Solbergs (H) regjeringstid. Ho siglar for tida i sterk medvind, med skyhøge målingar og landsmoderaktig framferd.

Og, som fleire har peika på: Ho hadde òg sine kriser.