Viss ikkje Bollestad bryr seg om Bergen, kva bryr ho seg om då?

KrFs prosjekt verkar stadig meir som ei styrt avvikling.

Førre veke valde KrF å gi frå seg plassen sin ved byrådsbordet i Bergen. Håpet er å krype oppover frå to prosents oppslutnad på målingane.

Eit stort steg for eit lite parti i djup og alvorleg krise. Så viktig strategisk at ein skulle tru partileiinga sentralt var tett på?

Tydelegvis ikkje.

– Dei har hatt ei ganske perifer rolle i denne prosessen, sa Håkon Pettersen, partiets frontfigur i Bergen, på pressekonferansen.

Underforstått: Dei har ikkje involvert seg i det heile.