Barske menn, hulkande kvinner og skitne, dumme tyskarar: Snart må vi bli ferdige med å lage reaksjonære krigsfilmar.

Historia er full av ufortalde forteljingar. Så kvifor fortel vi så mange av dei same historiene igjen og igjen?

Om du er bitte litt interessert i film, krigshistorie eller båe delar, har dette vore ein god vinter for deg: Storfilmane «Krigsseileren» og «Kampen om Narvik» har fått publikum til å strøyme til kinosalane. Og på heimefronten har du kunna sjå «Gulltransporten» direkte på Viaplay.