Denne krisa tek livet av folk

Fastlegemangelen er dødeleg for oss pasientar.

Mangelen på fastlegar landet rundt er ei av dei mest alvorlege krisene i Noreg akkurat no.

Akkurat kor mange som står utan fastlege til kvar tid, er vanskeleg å finne eit nøyaktig tal på.

I fjor haust kom det tal frå Allmennlegeforeningen som tyda på at det var rundt 235.000 nordmenn utan fastlege. Langt fleire enn ein hadde trudd.

Og trenden er at det blir verre.

Det verste med fastlegekrisa er at ordninga som forvitrar framfor auga på oss er utruleg god. Og det er me pasientar som har definitivt mest å tape.

At folk mister fastlegen sin, kostar liv.