Pandemi på fyrste klasse

Dei ansvarlege for ein av dei største smittevernskandalane under pandemien slapp unna med ein smekk på fingrane.

Nyleg blei saka om smittevernutbrotet på hurtigruteskipet «Roald Amundsen» avslutta. Hurtigruten fekk ei bot på éin million kroner.

Det skjedde i det stille, utan noko vidare diskusjon. Det er skuffande og overraskande at saka enda slik. Den er eit av dei grellaste eksempla på at midt i all dugnaden og fellesskapet er det framleis stor forskjell på fattig og rik. Smittevernlova er for vanlege folk.