Søviknes kan allereie ha vunne kampen om å bli Bjørnafjordens neste ordførar

Den Ap-leia koalisjonen har implodert.

I 2019 tapte Terje Søviknes (Frp) kampen om ordførarmakta med knappast mogelege margin.

Ap, Sp, MDG, KrF og SV samla seg for å skifte ut den tidlegare Os-ordføraren. Trine Lindborg frå Arbeidarpartiet vart Bjørnafjordens første ordførar.

Koalisjonen har knaka i samanføyingane lenge. No er det ikkje lenger eit samarbeid å snakke om.

Trine Lindborg er ordførar i eitt år til. Men då ser det ut til å vere slutt. Fleire av partia som har samarbeida med Ap, ønskjer ikkje lenger å gjere det.

Difor er det nærast garantert at Terje Søviknes vinn vervet som ordførar etter valet neste år, før éin einaste veljar har gitt frå seg si stemme.