Eg er blitt kalla «den kvite djevelen». Men det er ikkje rasisme eller vondskap.

Svar til Jenny Guo Strømsnes.

«I Kina, der eg no bur, har eg opplevd å bli fotfølgd av huiande barneflokkar, ja til og med vaksne», skriv Harald Stautland. Biletet er frå Beijing. Foto: Ng Han Guan, AP (arkiv)

  • Harald Stautland
    Hainan, Kina
Publisert Publisert
iconDebatt
Dette er et debattinnlegg. Innlegget er skrevet av en ekstern bidragsyter, og kvalitetssikret av BTs debattavdeling. Meninger og analyser er skribentens egne.

Flott innlegg du skreiv i BT 25. april om rasisme. Eg er etnisk norsk, fødd og oppvaksen i Norge. Utstyrt med raudt hår, og sterk tendens til å raudne i barne- og tidlege tenår. Så eg veit så vel kva du snakkar om.

Men rasisme var det ikkje. Snarare hakkelova i funksjon, den som gjeld både i hønsegarden og blant menneske, og som seier at alle som avvik det minste frå det «vanlege» mønsteret, dei skal det hakkast på.

Les også

Innlegget han svarer på: – Eg ønskte meg lyst hår, lys hud og å sjå «norsk» ut. Eg var så lei.

I Afrika har eg opplevd at småbarn fekk hysteriske anfall av skrekk når «den kvite djevelen», som var meg, viste seg (i Afrika er djevelen kvit, nemleg!).

I Kina, der eg no bur, har eg opplevd å bli fotfølgd av huiande barneflokkar, ja til og med vaksne, som mest døyr av nyfikne. Elles heitte det visst «utanlandske djevlar» i Kina og, i gammal tid.

Ingenting av dette eg opplever her er tilsikta vondskap. Ikkje rasisme heller. Ubehageleg kan det vera. Og ein svart afrikanar kan nok få oppleva ekte rasisme, også her i Kina, sjølv om offisiell politikk set forbod mot det.

Innsendaren svarar Jenny Guo Strømsnes, som skreiv innlegg om rasisme i Norge. Foto: Privat

Som du skriv, Jenny: Det dabbar gjerne av med åra. Og eg er redd det er og blir verande noko me «avvikarar» må leva med. Det går over!

Dette «woke-skvalderet», derimot, om «strukturell rasisme» og «whitishness», det har eg lite til overs for. Det er mest like iIle som skilta i Shanghai-parkane i gammal tid om at «Hundar og kinesarar har ikkje tilgang her». Med andre ord: rein rasisme!

Lykke til vidare i livet ditt, Jenny. Du er ei flott dame. Det går nok bra!

Publisert
  1. Rasisme
  2. Kina
  3. Afrika

Les mer om dette temaet

  1. – Eg ønskte meg lyst hår, lys hud og å sjå «norsk» ut. Eg var så lei.

  2. – De som hengte opp dette i Bergen sentrum, er noens nabo

  3. – Jeg er født i Norge, men tror aldri jeg vil føle meg norsk

  4. – Ap i Bergen bidrar til fiendtlighet mot jøder

  5. – Bergen ønsker å være en inkluderende by. Det er et godt stykke igjen.

  6. Knusende rapport om idretten: Tendenser til strukturell rasisme

BT anbefaler

Per Ole hadde fast jobb og god inntekt – sluttet for å følge drømmen

– Det har vært tøft, men verdt det.

LES SAKEN