Nynorsk er ein del av BT

Nei, Bergens Tidende kan ikkje prioritere ned nynorsken, og gjer det heller ikkje.

IKKJE TVANG: BT er ei liberal avis, og vil ikkje bruke tvang. Det treng heller ikkje nynorsken i Bergens Tidende, skriv sjefredaktør Øyulf Hjertenes. Vegar Valde

Debattinnlegg

Øyulf Hjertenes
Sjefredaktør

Nynorsk er ein naturleg del av Vestlandet, og derfor også ein naturleg del av Bergens Tidende. Derfor er eg heilt samd med Peder Lofnes Hauge i Noregs Mållag: BT kan ikkje nedprioritere nynorsken (BT 31.10.16). Det gjer vi heller ikkje.

Journalistar i Bergens Tidende kan sjølv velje om dei vil skrive nynorsk eller bokmål. BT er ei liberal avis, og vil ikkje bruke tvang. Det treng heller ikkje nynorsken i Bergens Tidende. Mange av dei mest språksikre skribentane i Krinkelkroken skriv nynorsk. Mange av dei beste tekstane i avisa er på nynorsk.

Talet på nynorskartiklar varierer frå dag til dag – også nynorskskribentar har fri frå tid til anna. Vi tel heller ikkje. Fridomen til å skrive bokmål er den same som fridomen til å skrive nynorsk. Bergens Tidende skal spegle både byen og regionen.

Derfor treng ikkje Hauge frykte for nynorsken i denne avisa. Nynorsk er kultur, historie, tradisjon og ikkje minst identitet på Vestlandet. Derfor er nynorsk også ein naturleg del av Bergens Tidende.

Din mening betyr noe
I BT trenger du ikke å være ekspert eller politiker for å slippe til. Skriv om det du har på hjertet! Skriv et innlegg