Still ut vinnarforslaget for Bryggen!

Utstillinga burde vore open for alle fram mot valet.

Publisert: Publisert:

OPEN DEBATT: Bård Magnus Fauske utfordrar byrådet til å syne fram vinnaren for alle, heile veka gjennom. – Der kan alle sjå og diskutere løysingane ope med andre eller rådføre seg med dyktige medarbeidarar hjå Byarkitekten. Illustrasjon: Vinnarforslaget «Mot Vågen»

Debattinnlegg

Bård Magnus Fauske
Landskapsarkitekt MNLA, byplanleggjar

På besøk i Bergen ville eg sjå utstillinga frå arkitektkonkurransen om Bybanen framom Bryggen. Den blei stengt 28. juni. Då hadde den vore open nokre timar kvar fredag for særskilt nyfikne, med ledig tid inn mot ei travel helg.

No har konkurransen fått ein verdig vinnar. Den utfordrar eg byrådet til å syne fram for alle, heile veka gjennom. Der kan alle sjå og diskutere løysingane ope med andre eller rådføre seg med dyktige medarbeidarar hjå Byarkitekten.

I ei tid der misnøye og beint fram løgner trugar demokratiske prosessar, treng vi alle tilgang til open og sakleg informasjon. No gøymer byrådet rapportane og plansjane vekk på ei nettside og overlèt med det samtalen på torget til nett-kommentariatet.

Difor utfordrar eg også bystyret sine motstandarar av løysinga med bybane framom Bryggen, til å støtte opp om ei utstilling som held ope heilt til valdagsmålingane tikkar inn.

Publisert:
Din mening betyr noe
I BT trenger du ikke å være ekspert eller politiker for å slippe til. Skriv om det du har på hjertet! Skriv et innlegg