Hytta markerer ein ny start

Espen og Randi Sunde Espedal frå Randaberg valde å byggja seg ny og stor hytte i Sauda fordi dei her får ein fritidsbustad billegare enn i Sirdal.

Sauda kjende dei frå før etter å ha eigd ei vertikaldelt hytte i Svandalen eit par år. Randi har dessutan mange gode barndomsminne frå Sauda. Ho og familien reiste til industribyen inst i Ryfylke på påsketurar med båten, fullasta med langrenn og slalåmski i mange år. Det var langrennsturar om dagen og slalåm på kveldskøyring i Svandalen.

Nå reiser familien både vinter og sommar. Om vintrane er det slalåm og randonee som fenger mest i hennar eigen familie.