Strøm-Erichsen stiller seg bak den norske leirleiinga i Mazar-e-Sharif.

– Eg har ikkje vore inne i diskusjonane, men støttar fullt ut den norske posisjonen. Regelen er veldig fornuftig, seier Strøm-Erichsen.

Den finske kommandanten i Mazar-e-Sharif, oberstløytnant Ahti Kurvinen, ville ikkje kommentere saka i går kveld.

– Han seier saka ennå ikkje er avgjort, men at ein avtale vil bli inngått, og det vil skje med godt humør, seier pressetalsmann Markus Malila i det finske forsvaret.

Dei største øldrikkarane i Mazar-e-Sharif er tyskarane. Dei har ein stor leir vegg i vegg med den norske, med fleire kneiper der soldatar og offiserar kan sløkkje tørsten. I fjor viste tal frå det tyske forsvaret at tyske soldatar i snitt drakk 278 liter øl og nesten 20 flasker vin i året i Afghanistan – eit land som elles stort sett er tørrlagt.

Då den norske rockegruppa Smashed Stash spelte i den tyske leiren i Mazar-e-Sharif i jula for to år sidan, fekk dei seg ei overrasking.

– Det var 800 tyskarar der, alle var stup fulle, og stemninga var veldig veldig høg, fortalde ein av musikarane til avisa Østlendingen etterpå.