• BOMMEN VERT HEVA: Frå 30. april treng du ikkje betale bompengar her lenger.

    FOTO: OVE OLDERKJÆR

Snart vert dette heilt gratis

No er det avgjort når bompengane tek slutt på Trekantsambandet.

Frå 30. april vert det gratis å køyre over Trekantsambandet, har styret i Sunnhordland bru- og tunnelselskap AS avgjort, ifølgje avisa Sunnhordland.

- Det at anlegget vert gratis, nøyaktig på 12-årsdagen etter opninga vert ein historisk dag for regionen, skriv arbeidande styreleiar Pål Kårbø i ei pressemelding.

- Hald fram å betale

Praktisk informasjon til alle kundane i Trekantsambandet, som omhandlar avslutning av abonnement, vidareføring eller oppretting av nye avtaler i andre anlegg, vert sendt ut i god tid før nedlegging, seier han.

- Fram til stengingsdagen bør kundane halda fram med å betala inn forskot, då alle vil få tilbakebetalt det dei har uteståande hos selskapet etter nedleggingstidspunktet, seier styreleiaren.

Ein milliard i bompengar

Han legg til at selskapet i samarbeid med andre aktørar skal laga ei markering på sjølve dagen.

Trekantsambandet går mellom Stord, Sveio og Bømlo, og opna i april 2001. Det består av to hengebruer, to mindre bruer og undersjøisk tunnel under Bømlafjorden. Anlegget avløyste fire ferjeruter, deriblant E39-sambandet Valevåg–Skjersholmane.

Totalkostnad var 1814 millionar kroner, derav 1036 millionar i bompengar. Sambandet har opp mot 6600 bilpasseringar i døgeret om sommaren (2011).

Kommentarfeltet støtter ikke IE8. Vennligst oppgrader eller bruk en annnen nettleser.

Velkommen til debatt i Bergens Tidende. Vi setter pris på sterke meninger. I våre kommentarfelt er det høyt under taket, men vi tolererer ikke trakassering, trusler eller hatefulle meninger. Vis respekt for andre debattanters meninger, etnisitet, religion og legning. Husk at mange leser dine ytringer her på bt.no. Tenk derfor nøye gjennom hvordan du ønsker å fremstå. Du må skrive under fullt navn.

Vennlig hilsen Gard Steiro, sjefredaktør.

Siste fra Økonomi

Bilder

BOMMEN VERT HEVA: Frå 30. april treng du ikkje betale bompengar her lenger. FOTO: OVE OLDERKJÆR

BOMMEN VERT HEVA: Trekantsambandet går mellom Stord, Sveio og Bømlo, og opna i april 2001. FOTO: OVE OLDERKJÆR