Ann Kristin Olsen, tidlegare sysselmann på Svalbard, er gudmor for Aker Drillings første borerigg, Aker Spitsbergen, somblei døypt i Ølen i dag.

Det er den første norskbygde boreriggen på 20 år. H6-riggen for ekstreme klima har påført Aker-systemet store utfordringar.

Den skulle vore levert for over eit år sidan. Først i slutten av juni kan riggen starta boring for StatoilHydro i Nordsjøen.

Søsterriggen Aker Barents ligg betre an tidsmessig og gjennomgår for tida sjøprøvar utanfor Aker Stord, der begge riggane er bygde.

Kostnaden har gått dramatisk opp frå 3,8 til nær 5 milliardar kroner pr. rigg.

DØYPT: Gudmor Ann Kristin Olsen og Aker Drilling-sjef Geir Sjøberg har i dag døypt den første ekstremriggen, Aker Spitsbergen.
MMS