Oppdragsmengda for Vizrt auka med 15 prosent samanlikna med fjerde kvartal i 2010.

Det bergenske programvareselskapet sitt viktigast produkt er programvare for TV-grafikk, og fekk merke at TV-selskapa blei veldig forsiktige under finanskrisa. Men no trur administrerande direktør Martin Burkhalter at TV-direktørane har fått meir tiltru til økonomien. I dag la han fram resultatet for 2011.

— Dette året såg vi at investeringsavgjerder vart utsett til slutten av året, når selskapa etter vår oppfatning kjende seg trygge nok på marknaden, seier han i ei børsmelding.

2011 enda svært godt for Vizrt (sjå tabell), med vekst både i driftsinntekter og spesielt i lønsemd.

Burkhalter trur 2012 blir enda betre, trass i uvissa rundt om utvikling i Euro-landa. Grunnen er mellom anna at det blir arrangert OL i London og Europameisterskap i fotball i år, samstundes som det er presidentval i USA til hausten. Dette er arrangement Vizrt vonar får TV-selskap til å satse enda meir på TV-grafikk. Får Burkhalter rett vil Vizrt auke driftsinntektene med 13 prosent i år.