Frå hausten skal den nye cruiseferja frakte passasjerar frå Bergen til Hirtshals via Stavanger. Fredag vart skipet sjøsett ved Stocznia-verftet i Gdansk i Polen. MS «Bergensfjord» er den andre av Fjord Lines to nye cruiseferjer. Nå skal ho slepast til Bergen Groups verft i Rissa i SørTrøndelag, der skipet skal utrustast og ferdigstilllast. Systerskipet MS «Stavangerfjord» er alt på plass der, og får jomfruturen 29. mai. MS «Bergensfjord» følgjer etter til

hausten.

1500 passasjerar

Dei to skipa er 170 meter lange, med 306 lugarar og plass til 1500 passasjerar og 600 personbilar, vogntog og last. Motorane skal gå på flytande naturgass (LNG), som gir 92 prosent mindre NOx og ingen svovelutslepp. CO2-utsleppa blir redusert med 23 prosent.

Utfordringar med dei meir miljøvennlege motorane gjorde at jomfruturen vart utsett med eit halvt år, men nå skal alt vere i rute.

Stolt styreformann

— Fordi skipa får kaiplass i Bergens indre hamn vil store delar av byens innbyggjarar dagleg kunne nyte synet av eitt av dei flotte skipa på veg inn eller ut frå ein av verdas aller vakraste byar, sa ein stolt styreformann Peter Frølich ved sjøsettinga i Gdansk.

Dei to båtane skal ha daglege avgangar på linja Bergen - Stavanger - Hirtshals og Hirtshals - Langesund.