Eit år som starta med avskalling og konkurranse frå tidlegare medarbeidarar er snudd til ein lukkeleg årsslutt for Wärtsilä Ship Design i Fitjar. Selskapet har signert kontrakt med China Oilfield Services Ltd (COSL) for levering av design til seks nye offshorefartøy.

Kontrakten omfattar to plattformforsyningsskip og fire ankerhandteringsskip som skal utføra operasjonar i Sørkinahavet og Bohaibukta.

— Vi har hatt gleda av å samarbeida tett med både COSL og morselskapet China National Offshore Oil Corporation i mange år. Dei kjenner godt til Wärtsilä sin breie løysingsportefølje som omfattar skipsdesign, framdriftsmaskineri, automasjon og kontrollsystem, pluss ei rekkje miljøløysingar, uttalar direktør for Wärtsilä Ship Design, Riku-Pekka Hägg i ei pressemelding..

Wärtsilä Ship Design i Fitjar er basert på det tidlegare familieselskapet Vik-Sandvik som blei selt til det finske konsernet for ein milliard kroner like før finanskrisa braut ut sommaren 2008. Sandvik-familien har seinare etablert den konkurrerande verksemda GSE Sandvik.

Wärtsilä Ship Design har i år signert 16 designkontraktar.