No ryk almetrea
På Voss dinglar det menn i Prestegardsalléen. Dei feller trea frå toppen.
- Publisert: 03.apr.2008 13:54
- Oppdatert: 03.apr.2008 14:17
I løpet av dagen vil tre av dei gamle almetrea i Prestegardsalléen vera forsvunne.
Dei gamle må vekk for å gje lys og plass til dei unge, nye bøketrea som vart planta for ei tid tilbake. Men dei vel to hundre år gamle almetrea er også angrepne av tresjukdommen "honningsopp", og må vekk for ikkje å smitta dei andre trea.
Felt på kurs
Mennene som dinglar i toppen av dei kring 30
meter høge almetrea er på kurs. Dei skal verta trepleiarar og almetrea er
deira øvingsområde. Dei trenar på å fella tre frå toppen.
- I Prestegardsalléen er det plass til å fella trea frå rota. Grunnen til at me gjer det så tungvint er at trepleiarane må læra å demontera trea, ta dei ned frå toppen. Mange stader i bynære strøk er det ikkje plass til å fella trea på den vanlegaste måten, seier kursleiar Svein Ringheim.
Trefellinga følger kommunens plan for fornying av Prestegardsalléen. Men sidan trea er øvingsområde, slepp kommunen å punga ut for fellinga, opplyser Voss kommune på sin nettstad.
- Heile alléen skal skiftast ut, det vert ei gradvis fornying, seier kultursjef Gunnar Dagestad i Voss kommune.
Kan bli 400 år gamle
Den gamle alléen er ein del av
tusenårsstaden på Voss, saman med Vangskyrkja, prestegardslandet og den nye
friluftspaviljongen.
- Det var eit lag som heitte noko som Vossevangens forskjønnelse som fekk planta trea ein gong på attenhundretalet, seier Dagestad.
Ifølgje trepleiar Ringheim kan almetre kan under optimale omstende verte 400 år gamle.
- Men det skjer sjeldan i bystrok. Dei treng stort uberørt areal for å bli så gamle, seier Ringheim.
Les fleire nyhende frå Voss og omland på lokalsida vår bt.no/voss
Kva synest du om at trea forsvinn? Gje din kommentar i feltet under
Bilder
Søk i skattelistene
