Med heile 30,7 grader på det meste, var Voss den varmaste staden i Norge måndag.

Sør— og Austlandet har dei siste dagane hatt dei aller høgaste temperaturane, men vakthavande meteorolog ved Meteorologisk institutt, Anne Solveig Andersen, seier at varmlufta no har komme til Vestlandet.

— I aust var det noko kaldare i dag, seier ho.

Ikkje rekordVoss er ikkje ein stad som er framand for høge temperaturar.

— Når det først er fint der, får dei ofte høge temperaturar. Voss ligg inne i landet, og blir godt oppvarma, seier Andersen.

Rekordvarmt var det likevel ikkje. Den høgaste temperaturen som er målt sidan ein starta å måla på Voss i 2004 er 32, 8 grader. 30,7 måndag held ikkje ein gong til plassering på topp ti-lista.

Meir sol i vente...

Også bergensarane har kunna nyta varme temperaturar måndag. På det meste var det 26,8 grader i byen.

Og enno er det flere solskinsdagar i vente, seier meteorologen.

— Det ser veldig bra ut dei neste dagane. Det skal bli mykje det same vêret både tysdag, onsdag og torsdag, seier Andersen.

... men så blir det regn

Det einaste som kan øydeleggja er enkelte ettermiddagsbyger, mest sannsynleg i indre strøk, på onsdag og torsdag.

— Det kjem av varm luft som boblar opp der det er varmast, og det er gjerne i dei indre strøka. Men for det meste vert det fint vêr, så me må fokusera på det, seier Andersen.

Regn og gråvêr er nemleg ikkje så langt unna. Høgtrykket er på veg nordover.

— På fredag ser det igjen ut til at regnbyger vil prega vêret, og i helga ser det ut til at me får lågtrykk, seier Andersen.