Litt før klokka halv fire i natt kom ein politipatrulje over ein skadd mannsperson i Førde.

– Vi trur at han er slått ned, seier operasjonsleiar Inge Verøy i Sogn og Fjordane politidistrikt.

Politiet kjørte mannen til sjukehus, der han blei innlagt for observasjon.

– Vi har førebels ingen navngitte mistenkte i saka, seier Verøy.

Saka vil bli etterforska vidare av Førde og Naustdal lensmannskontor.

Tatt for promillekøyring

I løpet av natta blei også to personar tatt for promillekøyring i Førde. I samband med ein trafikkontroll såg politiet ein bil som svinga av hovudvegen, og då bilen vart kontrollert var den tom. To ungdommar sprang frå staden, men vart innhenta av politiet. Ein av ungdomane erkjende då å køyrd bilen, og er no sikta for promillekøyring.

Like før klokka fire vart ein personbil stansa etter tips frå publikum om merkeleg køyring. Bilføraren, ein mann i 20-åra, er no sikta for promillekøyring.

Voldeleg krangel om jakke

Også i Måløy fekk politiet melding om valdsbruk. Ein person vart slått til i ansiktet av ein annan person etter krangel om ei jakke.

– Den eine personen meinte at jakka hans var tatt, og slo då han ikkje fekk den igjen, seier operasjonsleiar.

Politiet har oppfordra begge partar til å melde saka over helga.