Torsdag ettermiddag fekk politiet klage på ulovleg scooterkøyring ved Furudalen på Kvamskogen.

— Vi reiste opp klokka 16.25 og fann etter ei stund ein bil med ein uregistrert hengar. Litt seinare fann vi eigar og ein parkert snøscooter. Snøscooteren var og uregistrert og ikkje lenger i køyrbar stand, seier lensmann Terje Kvalvik i Kvam og Samnanger til bt.no.

Hengar og snøscooter tok politiet seg av.

Eigaren, en mann frå Bergenskanten, kan venta seg ei saftig bot for ulovleg køyring i utmark og for diverse brot på vegtrafikklova.

Politiet fekk også tips om en annan snøscooter på en bilhengar i området.

**Les og:

Knallhelg i vente**

Har du tenkt deg ein tur på Kvamskogen? Sjekk vårt live webkamera i Eikedalen.

— Vi ønskjer ikkje slik tullkøyring med snøscooter på Kvamskogen. Dette vil vi slå ned på straks vi høyrer om det, seier lensmannen.