Tre personar er sendt til sjukehus på Nordfjordeid etter ei front mot front-ulykke i Vågsøy.

Ulykka skjedde mellom Måløy og Raudeberg på fylkesveg 617.

— Ein personbil kom over i motgåande køyrefelt. Dei som er køyrde til sjukehus, er sjåføren i den bilen og to personar i bilen som blei treft, seier Olaug Holme, operasjonsleiar i Sogn og Fjordane politidistrikt.

Skadegraden skal ikkje vere alvorleg. Vegen er stengt i påvente av bilberging.

Politiet fekk melding 18.25. Eit kvarter seinare var naudetatane på staden.

På Helse Førde sin heimeside mandag kveld går det frem at dei skadde er to kvinner på 32 og 58 år og ein mann på 22 år.