— Eg veit eg burde prise meg lukkeleg over at me alle er i live, men eg greier ikkje å sjå det positive i det så lenge vetle Roma er sakna, seier Binder.

Den 56 år gamle kvinna hadde to passasjerar og to hundar i bilen sin då ho krasja med utrykningspolitiet torsdag føremiddag. Alle slapp unna med lettare skadar, men familien sin yngste medlem er ikkje komen til rette.

GODE VENER: - Dei to hundane våre er gode vener. No er mitt største ynskje å finne att den kjære hunden vår, seier Binder.
Privat

Hamna på taketBinder kom køyrande frå Bergen sentrum i bilen sin, ein Fiat 500, då ulukka skjedde. I bilen hadde ho ei veninne og sonen hennar på 18 år som var på veg til odontologen i Årstadveien i Bergen.

— Då eg nærma meg odontologen, blinka eg til høgre og skulle ta av inn innkjørselen til odontologen. Plutseleg såg eg politiet med blålys, så krasja vi.

Bilen blei kasta rundt og hamna på taket på fortauet, ifølgje Binder.

Politiet sin innsatsleiar Caspar Kaland seier til BT at det er for tidleg å seie noko om årsaka til ulukka, men fortel at spesialeininga for politisaker er kopla inn i saka.

— Heldigivs sat me alle sikra med bilbelte. Det kunne gått mykje verre med oss, seier Binder.

Både 18-åringen og mora slapp unna med lettare skadar. Binder fekk kraftig hjernerystelse og måtte sy fire sting.

LETTARE SKADD: Tolv år gamle Riga kom frå ulukka med lettare skadar.
Odd Nerbø

Roma stakk avRoma, som er ein blanding av Malteser og Pomeranian, veg knappe to kilo og er ti månadar gamal. No fryktar Binder at ho ikkje skal få hunden sin heim.

— Ho stakk nok av fordi ho fekk sjokk. Eg er redd ho er skada og har gøymt seg ein stad. Det er heilt forferdeleg å ikkje vete kvar ho er.

Den andre hunden som var i bilen er Riga, ein tolv år gamal Border Collie.

— Ho fekk sjokk, men det går greit no. Politiet køyrde ho til veterinæren etter ulukka. No tek vi hand om ho her heime, seier matmora.

PÅ TAKET: Bilen med tre personar og to hundar hamna på taket då den krasja med politibilen.
2211-tipser

Håpar nokon har sett nokoDet er mange som leitar etter den vetle hunden. Binder og resten av familien var ute og leita i området heilt til klokka 03. i natt.

— I tillegg leitar heile nabolaget vårt. Alle har verkeleg stilt opp for å finne ho. Folk har vore heilt fantastiske.

No håpar Binder at nokon har sett eller høyrd noko som kan hjelpe ho finne att hunden sin.

— Politiet seier det var ein syklist som hadde sett Roma springe frå staden. Eg håpar å kome i kontakt med han eller andre som veit noko.