Olav H. Hauge sine tekstar eignar seg ikkje berre til høgtlesing og monoton framføring. Kirsebærbuskar på scenen, mobiltelefonar blant publikum, dans og rapping var blant ingrediensane då unge i Ulvik deltok i opningsshowet til den tiårsjubilerande poesifestivalen.

Hjelp utanfrå

Framsyningar er laga i nært samarbeid med stiftinga Bergen Byspill, som vil flytta teater ut til folket.

Til rappinga fekk dei hjelp av Runar Gudnason i Side Brok, ei vidareføring av ungdomssatsinga i Vossa Jazz, der også Ulvik er med.

Framtidsretta festival

Men først og fremst er det Ulvik-ungdom som gjer jobben, tilsynelatande scenevande som om dei aldri skulle har gjort anna enn å underhalda eit stort publikum.

— Dette er noka anna enn då vi stod som saltstøtter og stotra fram nypugga salmevers. Dette må poesifestivalane halda fast ved for framtida, seier Ambolt-prisvinnar og pensjonert lærar Arne Skjerven.