I går ettermiddag arresterte politiet to menn i ein kommune i Hardanger.

— Vi set dei i samband med det store tjuveriet frå gullsmed Berg. Dei to er frå Georgia og klarer ikkje å gjera greie for kvifor dei er her eller kva dei har gjort dei siste dagane. Vi mistenkjer at dei har noko med innbrotet å gjera eller har kunnskap om innbrotet, seier politibetjent Bjørn Inge Aarsand i Hardanger politistasjon til bt.no.

Leiter etter to til

— Har de funnet noko av tjuvegodset?

— Nei. Bilen dei køyrde er granska grundig, men vi har ikkje funne tjuvegods. Vi leitar no etter to andre namngjevne menn som vi meiner har operert saman med desse to, seier Aarsand.

- Er dei de leiter etter norske?

— Nei, det er dei ikkje, seier ein knapp Aarsand.

Barnegull

- Kan du seia noko om verdien av og kva som vart stole under innbrotet?

— Eg kan stadfesta at det er snakk om store summar, truleg meir enn ein million. I tillegg til det som er kome fram før om, er det og stole mykje barnegull. Med det meiner eg typiske dåpspresangar som små gullhjarter og gullkors.

Dei to frå mennene Georgia vert truleg framstilt for varetektsfengsling i Bergen torsdag eller fredag.